Kitakujo 

Adpozicioj / bejdéturi

Ĉio troveblas en subĉapitroj, nome la jenaj:

Samtempa uzo de prepozcio kaj postpozcio

En la Kitaka lingvo eĉ eblas samtempe uzi kaj prepozcion kaj postpozicion ĉe la sama substantivo. Kutime tio okazas, se temas pri lokaj trajtoj. Tia konstruo nomiĝas ĉirkaŭpozicio(#W), sed ne ekzistas en esperanto.

La koncerna substantivo tiam devas aperi en la postpozitiva kazo.

Paolu lapríga úpket túlil zémvoku. Paŭlo saltis de sur seĝo sub seĝon. En Esperanto la substantivo ripetiĝas, sed ne en la Kitaka lingvo!
Líntu telénta énket péskol úpvoku. Birdo flugas el(#1) nesto sur neston.
Házegvo testéja úpsaj góril jódwesaj. Domego staras meze sur monto. Ĉikaze la senco estiĝas nur pro la kombino.

Al la sekva ĉapitro
© René Philipp - Bilnjobíru Àdvodóstu, 11.07.2017